Баш бит - Мирас - Команда - Волонтерлар

Волонтерлар

2011 елның 20 сентябрендә яшьләрнең «Volunteers’ Academy» дип аталган Халыкара волонтерлар лагере кысаларында «Казан 2013» волонтеры булырга теләүчеләр өчен онлайн-гаризалар тутыру мөмкинлеге булдырылды. Волонтерлар командасына кушылу бик җиңел: моның өчен makeureal.kazan2013.ru сайтында гариза тутырырга гына кирәк.

«Казан 2013» волонтерлары турында кызыклы фактлар

2012 елның 14 январендә Курск өлкәсенең Железногорск шәһәрендә яшәүче Зөфәр Исхаковка 78 яшь тулды. Ул «Казан 2013» командасына керергә дәгъва кылучы иң өлкән кандидат. Үткән гасырның 50нче еллар уртасында ул Мәскәүдәге Бөтенсоюз политехника институына читтән торып укырга керә. Бүген исә Зөфәр ага төрле илләрдән килгән тренерлар һәм спортсменнар белән аралашырга, дөньякүләм спорт чаралары оештыру тәҗрибәсе белән танышырга тели.

Piotrowski Helder исемле егеткә Бразилиядән 2013 елгы Универсиадага Казанга килү өчен 12 850 километр ара үтәргә туры киләчәк.

Чаллы кызы Эльмира Габдуллина чын мәгънәсендә полиглот. Эльмира 8 телдә аралаша ала. Ул татар, рус, инглиз, француз, алман, кытай, төрек һәм япон телен белә.

Укырга

10 000нче булып кабул ителгән анкетаны Казан дәүләт аграр университеты студенты Наталья Лукашина тутырып җибәргән. Уеннар вакытында ул Ачылу һәм ябылу тантаналарында, ашау-эчүне оештыру эшләрендә катнашырга яки матбугат вәкилләре белән эшләргә тели.

Италиядән Анжела Агреста моңа кадәр биш зур спорт чарасында катнашкан. Ул XXIV Универсиада һәм XX кышкы Олимпия уеннары вакытында Россия җыелма командасының атташесы була. Шулай ук Анжела FINA һәм FIFA уеннарында, ирләр арасында волейбол буенча Дөнья чемпионатында эшли. Анжела Россиягә 1985 елда ук гашыйк була. Шул вакытта ул рус телен өйрәнә башлый. Казанга килүне ул үзе өчен зур бәхет дип саный.

«Казан 2013» волонтеры булырга теләгән иң яшь кандидатка әлегә 11 генә тулган. Кызганычка, ул 2013 елгы Универсиадада волонтер буларак катнаша алмаячак. Валонтер булу өчен кандидатларга 2013 елның 31 мартына кадәр 18 яшь тулган булырга тиеш. Казан халкы өчен шартлар бераз үзгәрәк. Волонтер булу өчен 14 яшь тулу да җитә. Волонтер була алмаганнар исә барысы да спорт ярышларын трибунадан карый алачак.

Волонтерларны җыючылар арасында иң өлкәне - Наилә Ибраһимова. Ул 1939 елда туган.

Яшерергә

Проектлар

“Казан 2013” волонтерларын бүләкләүне нигезләү программасы

Быелгы җәйдә эре халыкара спорт вакыйгасын уздыруда катнашып уникаль тәҗрибә туплау, җиһанның төрле почмакларыннан меңләгән дуслар табу, студентлар спорты элитасы белән танышу һәм чит телдә аралашып телне чарлау – “Казан 2013” волонтерларына бирелгән мөмкинлекләрнең бер өлеше генә.

III "Ел волонтеры" тантанасы

Проект төгәлләнде

«Ел волонтеры 2012» проекты 2013 елгы XXVII бөтендөнья җәйге Универсиаданың Волонтерлар программасы кысаларында тормышка ашырыла. Ул «Казан 2013» волонтерларын Мотивлаштыру, тану һәм бүләкләү программасының төп чараларыннан санала.