2013 елгы XXVII Бөтендөнья җәйге Универсиада, Казан,

6-17 июль
РУСENGТАТ

Урам–юл челтәре

2013 елгы Бөтендөнья җәйге Универсиаданы оештыручылар алдында торган иң мөһим бурычларның берсе – Универсиада кунаклары, катнашучыларга шәһәргә килү һәм шәһәр буенча йөрү өчен уңайлы шартлар булдыру.

Моның өчен Татарстанда урам–юл челтәрен үстерү буенча программа төзелгән. Әлеге программаны тормышка ашыру барышында Универсиада корылмаларына илтә торган урам–юл челтәрен төзекләндерү, Уеннар үткәрү вакытында Казанның транспорт системасы эшчәнлеген тәэмин итү өчен кирәкле корылмаларны тәртипкә китерү күздә тотыла. Нәтиҗәдә шәһәрдәге төп транспорт магистральләренең үткәрү мөмкинлеге артырга тиеш. Программаның мөһим өлеше буларак Зур Казан Боҗрасы формалашачак.

Универсиадага кадәр Казанда гомуми озынлыгы 65,1 чакрым тәшкил иткән 23 шәһәр юлы, 12 транспорт чишелеше һәм 41 җәяүле кичүе төзү планлаштырыла. Нәтиҗәдә, Казанның урам–юл челтәре иң югары стандартларга җавап бирәчәк.