2013 елгы XXVII Бөтендөнья җәйге Универсиада, Казан,

6-17 июль
РУСENGТАТ

Медиа

Аккредитация

Аккредитация категориясе һәм керү зоналары

Раслау процедурасын узган аккредитациядә катнашучыларның барысы да төрле категорияләргә бүленә һәм аларга Халыкара студентлар спорты федерациясе (FISU) билгеләгән кагыйдәләр нигезендә, Универсиаданың төрле зоналарына керү хокуклары бирелә.

Укырга

Таможня

Чит илдән килгән массакүләм мәгълүмат чараларына (ММЧ) карата таләпләр һәм техник җиһазлар белешмәсе

Хөрмәтле журналистлар!

Россия Федерациясе – Беларусь Республикасы һәм Казахстан Республикасы белән бергә Таможня Берлеге әгъзасы. Әлеге дәүләтләр территориясе бердәм Таможня Берлеге территориясен тәшкил итә. Массакүләм мәгълүмат чаралары өчен һөнәри техник җиһазларны вакытлыча кертү һәм аларны декларацияләү Таможня Берлегенең таможня законнары, шулай ук Россия Федерациясенең халыкара килешүләре нигезендә башкарыла.

Россия - таможня аша вакытлыча керү Ковенциясе әгъзасы. Әлеге Конвенция 1990 елның 26 июнендә Истамбулда кабул ителгән иде. Аның нигезендә массакүләм мәгълүмат чаралары өчен һөнәри техник җиһазларны таможня документларыннан башка кертү рөхсәт ителә.

Укырга

Ммч өчен транспорт

“ММЧ вәкилләре өчен шаттллар хәрәкәте расписаниесе белән “ Медиа вәкилләре өчен транспорт гиды” аша тулырак танышырга мөмкин, аны “Матбугат киты” бүлегеннән йөкләп алып була.

Казандагы XXVII Бөтендөнья җәйге Универсиадасының транспорт системасы Баш матбугат үзәгендә, Халыкара матбугат үзәгендә, рәсми килү һәм китү урыннарында, ярышлар уздырыла торган объектларда аккредитация узган ММЧ вәкилләренә бушлай хезмәт күрсәтә.

Журналистларга Казанга килергә ике атна кала Универсиада оештыручыларына кайсы көнне, сәгать ничәдә киләчәге турында әйтеп хәбәр бирергә кирәк. Ә килергә бер көн калгач тагын бер кат искәртеп алу тиеш.

Укырга

Размещение урнаштыру

2013 елгы XXVII Бөтендөнья җәйге Универсиада вакытында Казанга килүчеләрне вакытлыча яшәү урыннары белән тәэмин итү дә каралган. Әмма бу хезмәт, аккредитация узган массакүләм мәгълүмат чаралары вәкилләре өчен генә күрсәтелә. Тагын бер кат искәртәбез, вакытында гариза биреп аккредитация алмаган журналистлар өчен Уеннарны оештыручылар тарафыннан тору урыны бирелми һәм алар өчен җаваплылыкны да үз өстеннән төшерә.

Укырга

Туклану

Аккредитация узган массакүләм мәгълүмат чаралары вәкилләре өчен туклану зонасы Баш матбугат үзәге территориясендә булачак. Анда журналистлар өчен туклану хезмәте югары дәрәҗәдә оештырыла. Шулай ук 2013 елгы Универиада вакытында һәрбер ярыш үткәрелгән объектларда да туклану зоналары каралган.

Шулай ук Баш мәгълүмат үзәгендә һәм гомумән мәгълүмат үзәкләре объектларында журналистлар өчен кофе-брейк каралган. Аннан тыш та эчәргә яраклы су бушлай биреләчәк.

Кофе-брейк түбәндәгеләрдән гыйбарәт:

  • милли камыр ризыклары
  • кондитер ризыклары
  • җиләк-җимеш
  • чәй/кофе
  • шикәр/сөт

Шулай ук массакүләм матбугат чаралары вәкилләренә шәһәрдәге җәмәгать туклану урыннары адреслары һәм уртача бәяләр күрсәтелгән белешмә таратылачак.

Радиоэлектрон чараларны куллану

Универсиада объектларында Уеннар барышында радиоэлектрон чараларны куллану чикләнеләчәк. Әгәр журналистлар радиомикрофон, радиопетличкалы диктофон, фотокамералар өчен радиосинхронизатор кебек радиоэлектрон чаралар кулланырга планлаштыра икән, моның өчен “Казан 2013” Башкарма дирекциясеннән әлеге техник мөмкинлекне куллану өчен юллама алырга тиеш. Әлеге юллама Казага килү белән кабат тикшерелә һәм радиоэлктрон чаралар маркировкалана. Шушы таләпләр үтәлмәгән очракта РЭЧ кулланган журналистлар беркая да кертелмәячәк, хәтта Төп мәгълүмат үзәгенә дә.

http://kazan2013.ru/ru/ref_requests адресы аша бу хакта тулырак мәгълүмат белән танышып гариза калдырырга мөмкин.

Rate card пункты

Rate Card пункты Уеннар барышында ММЧ вәкилләренә үз эшчәнлекләрен тәэмин итү өчен кирәкле товарлар алу яисә арендалау һәм кайбер хезмәтләрдән файдалану мөмкинлеге бирә. Rate Card пункты эшчәнлеге Халыкара мәгълүмат үзәге һәм Төп мәгълүмат үзәгендә 26 июньнән 17 июленә кадәр оештырылачак. Эш вакыты: иртәнге сигездән кичке унга кадәр.

Журналистлар нинди хезмәтләрдән файдаланачагын һәм кирәк булачак җиһазлар исемлегенә гаризаларын 2013 елгы Универсиаданың рәсми сайтындагы шәхси кабинет аша бирә ала. (www.kazan2013.ru\www.kazan2013.com) Ул 2013 елның беренче гыйнварыннан гамәлгә керә. Уеннар вакытында Rate Card пункты аша акча түләп тә заказлар бирегә мөмкин.

Экскурсия хезмәте күрсәтү

Аккредитацияләнгән ММЧ вәкилләренә экскурсиягә бару мөмкинлеге дә каралган. Эксурсияләрнең маршруты төрле. Казанның истәлекле урыннары, Изге Болгар шәһәре тыюлыгы һәм дә Зөя утрау-каласы белән дә танышып кайтырга мөмкин булачак. Алар барысы да бушлай оештырылачак. Моннан тыш ММЧ вәкилләре өчен түләүле экскурсияләр дә бар. Шундыйлардан “Дүрт гасыр урамы” дип аталган Казанның тарихи урыннары буйлап җәяүле

экскурсия, “Төнге Казан” дип аталган автобуслы экскурсия һәм башка кызыклы экскурсион сәяхәтләр тәкъдим ителә. Милли уеннар белән кызыксынучылар өчен “Татар кәләпүше”, “Татарча күңел ачулар” дип аталган интерактив программа да тәкъдим ителәчәк.

Экскурсиягә барырга теләүчеләр 2013 елгы Универсиаданың Төп мәгълүмат үзәге хәбәрләр өстәле аша заказлар бирә ала.

Эш вакыты: Иртәнге җидедән төнге унбергә чаклы, көн саен.