Баш бит - Мирас - Команда - Универсиада илчеләре

Универсиада илчеләре

«2013 илчесе» исемен Россиянең атаклы спортчылары, шулай ук иҗат элитасы вәкилләре йөртә. «2013 илчесе»нең бурычы – Универсиада идеяләрен пропагандалау, студентлар спорты, туризм һәм сәламәт яшәү рәвеше кыйммәтләрен тарату һәм үстерү.

Владимир Крылов

Ульян

Җиңел атлетика буенча атказанган спорт мастеры; 1988 елда Сеулда үткән Олимпия чемпионы (4х100 м.лы эстафета); 100, 200, 400 метрга йөгерү буенча җиде тапкыр ил чемпионы; җиңел атлетика буенча күп тапкырлар Дөнья һәм Европа кубоклары иясе; 200 метрга йөгерү буенча Европа чемпионы; кышкы Европа чемпионатының көмеш призеры; 200 метрга йөгерү буенча Россия рекордчысы.

"2013 елгы Универсиада ярдәме белән Россия үзенең спорт державасы буларак халыкара дәрәҗәсен раслый алачак. Без Казандагы Уеннарны Россия спортының триумфы һәм кунакчыллыкның иң яхшы үрнәге итәргә тиеш."

Диләрә Ваһапова

Казан

«Мураками» төркеме солисты. «Народный артист-2» телевизион проектының катнашучысы, Юрмалада үткән «Новая волна-2010» халыкара фестивале катнашучысы, Чабаксар шәһәрендә үткән «Trampline-2006» халыкара рок фестивалендә гран-при иясе.

"Минем өчен Универсиада илчесе булу – бик зур дәрәҗә. Бу минем өчен көтелмәгән адым, чөнки мин спортчы түгел. Универсиада илчесе булачагамны хәбәр иткәннәреннән соң, мин шок халәтендә булдым һәм моның ничек мөмкин булуын бөтенләй аңлый алмадым. Мин чыннан да бик шатмын, чөнки минем өчен, Татарстан һәм Россия өчен Универсиада – дөнья масштабындагы вакыйга. Минем өстемә бик зур җаваплылык йөкләнде, моңа бер борчылам, бер сөенеп куям. Әти-әнием дә бик сөенде. Мин бөтен җирдә һәрвакыт Казан турында, бездә Универсиада узачагы турында сөйлим, барысын да яраткан шәһәремә чакырам. Универсиада шигаре – U are the world. Ә «Мураками» төркеме һәрвакыт яхшылык, тынычлык, матурлык өчен чыгыш ясый. Без дөньяның бөтен кешеләр бергә, бердәм булганда гына матур булуын аңлатырга телибез. Без бергә булганда гына барына да ирешә алабыз."

Дмитрий Саутин

Воронеж

Совет һәм Россия спортчысы, суга сикерү буенча ике тапкыр Олимпия чемпионы, спортның бу төрендә 8 Олимпия медален яулаган бердәнбер кеше. Россиянең атказанган спорт мастеры (2000). XX гасырның иң оста суга сикерүчесе дип исәпләнелә. 2010 елдан – Суга сикерү буенча Бөтенроссия федерациясенең вице-президенты. Воронеж Өлкә Думасы депутаты. РФ Хәрби көчләренең подполковнигы.

Дмитрий Шәрәфетдинов

Екатеринбург

Россиянең атказанган спорт мастеры; Европа чемпионы; кыяга менү буенча ике тапкыр дөнья чемпионы. 2011 елда иң яхшы нәтиҗәләре: Дөнья чемпионатында – 1 урын. Барселонада (Испания) үткән Дөнья кубогында – 3 урын Вейлда (АКШ) үткән Дөнья кубогы этабында – 2 урын Венада (Австрия) үткән Дөнья кубогында – 1 урын Лог-Драгомерда (Словения) үткән Дөнья кубогы этабында – 2 урын.

"Мондый җаваплы миссияне башкаруны миңа тапшыруларына сөенәм. Бүген Екатеринбургның үзәк урамнары буйлап Универсиада әләмен күтәреп барган чакта мин чиксез горурлык хисен кичердем. Мин киләчәктә дә Свердловски өлкәсендә сәламәт яшәү рәвеше үсешенә, яшьләр арасында спортны популярлаштыруга актив теләктәшлек күрсәтергә бик телим. Берәр вазыйфада Казандагы Уеннарның Оештыру комитеты эшендә дә катнашырга теләгем бик зур. Россия, бөек спорт державасы буларак, Универсиаданы иң югары дәрәҗәдә үткәрер һәм бөтен дөньяны үзенң кунакчыллыгы белән таң калдырыр, дип ышанам."

Евгения Канаева

Мәскәү

Нәфис гимнастика буенча атказанган спорт мастеры, нәфис гимнастика тарихында шәхси исәптә күптөрле ярыш буенча ике тапкыр олимпия чемпионы булган беренче спортчы (2008, 2012), күптөрле ярышның аерым дисциплиналары буенча күп тапкыр Европа һәм Дөнья чемпионы, ике тапкыр Бөтендөнья җәйге Универсиада җиңүчесе (2009, 2011), күп тапкыр Дөнья кубогы этаплары һәм Гран-При сериясеннән турнирлар җиңүчесе, Дуслык ордены кавалеры, Ватан алдында хезмәтләре өчен IV дәрәҗәдәге орден иясе.